Z` Jahres Gedicht, statt a Bricht

 

 

Am 3.4.2016 heimer üsi Flugsaison gstartet,

aui hei ihri Flüger düre Winter gwartet!

Ürsu`s Trojaner isch zerschtmau im Himmu gsi,

mit Iziefahrwärch aus debi!

De FunCup XL hetsich o nid la lumpe,

Är het gschleppet statt im Himmu ume zgumpe!

Dänu het a däm Tag  no chli müesse loufe,

aber är het ja immer a PA wöue choufe!

 

 

Am 20.4.2016 isch de Beni gfloge,

ufe abe rächts lings, u nüt i Bode!

3 Helis sie uf de Sand-Airbase gschwobe,

Align Goblin Gaui, u tschöne isch,

mir heise hüt no aui!

 

 

Am 30.4.2016 het Resu sis K8 mitgno,

daser ungerem Bett ume chli het Platz becho!

Phippu isch mit Rat u Tat dernäbe gstanne,

de isches du ab im Himmu gange!

As Flugbiud a wahri Bracht,

bises du a paar Wuche speter het Kracht!

 

 

Am 5.5.2016 het`s de no a Coopfolie gä,

dasme Grasspischte mit meh schwung chan nä!

Am Phippu si Cularis het de Himmu o erklumme,

Är isch so schön gfloge, u het sie landeplatz im Boum inne gfunne!

Jetzt hetme schwärs gschütz ufzoge,

Ürsu mitem Traktor u Chrigu wär fasch drabgfloge!

Jetzt isch z`flüge zweitrangig gsi,

au sie bi der Rettigsaktion derbi!

 

 

Am 3.6.2016 heimer de a Höck gha,

mit de feschte Absicht i Ürsu`s Katakombe z ga!

Är isch aber nidaso druf igstige,

 isch lieber chli bi Resu blibe!

Resu het de när sie  Basturum zeig,

da sie üs fasch d`ouge usegheit!

Akkle Schrube Wärchzug soweit das Auge reicht,

u überau no a flüger ufghäicht!

 

 

Am 20.6.2016 wird Chrigu`s Sabre igfloge,

doch dä huere Vogu rouet nume am Bode!

Mit de Coopfolie geits sicher schnäuer,

aber 30m später isch das Fahrwärk im Chäuer!

Entüscht packt Chrigu dä Flüger i,

u dänkt, znachtmau isch Pflitsche derbi! 

 

 

Am 3.7.2016 simmer o wieder au dobe gsi,

sogar di chlinschte hei`t Flügere derbi!

Phippu chunt mit Nemesis u Robin derhär,

u dänkt i flüge ohni Stabi das isch nid schwär!

 

 

Am 10.7.2016 isch de Beat mit sim Heli da,

u zeigt üs wasme mit däm so mache cha!

O de Phippu zeigt üs mitem MEGASTAR,

lande chani o mit däm das isch doch klar!

 

 

Am 24.07.2016 isch de Hans-Marc z Bsuech,

u setzt sie Learyet uf z cooptuech!

De Phippu nimmt sie Strega füre,

u de Schnäpsi gheit fasch düre!

 

 

Am 1. Ougschte  simmer uf Waebers Grundstück gsi,

A jede mit feine Utensilie derbi!

A Brunsch hets gä für gross u chli,

guet gässe Holländer troffe, as isch eifach gmüetlich gsi!

Nami wär de no zwe Mirage abghobe,

doch eini isch bim start diräkt i Bode!

Mit akkle zäme stecke hets Sigi o nüm  so breich,

wieso Rouchnet jetzt dä Flüger, heter deicht!

Fort mit däm  Flüger dä Brönnt,

u hetsich drufabe a Nidlechueche gönnt!

 

 

O Zbinde Chrigu chunt epa mau verbi,

het viu a angere Oltimer derbi!

Flüge chaner das muesme säge,

aber as sie nie die eigete, vilicht isches ja deswäge!

 

 

Ma isch aber o näb däne Gschichte ärschtig ufem Platz gsi,

meischtens miteme Flügerli derbi!

Viiu hetme aber o nume Brichtet u glachet,

u derbie mänge Seich entfachet!

Blazebo gsoffe Borotalco gsaubet,

u derbi nöi Visione Gstautet!

 

 

O bi Sigi heimer scho dörfe loschiere,

fein gässe u zäme Biere!

So isch bi Sigi as Projekt entstanne,

wosi hei müesse z drit bespanne!

 

 

Im Dezember isch de Ändu zu üs cho,

u mir heine i üseri Sippe ufgno!

Phippu hetmu grad sie FPV Dorhne gä,

tja Ändu hetse fasch müesse nä!

A flug zwe jetzt wird dürezoge,

biser i Chrigus Kofferum isch gfloge!

Chrigu isch ganz verspannt dete gstange,

so schnäu ischer no nie i Kofferum iche gange!

 

 

I cha nume hoffe ,

as Füehlisech niemer betroffe!

As söu o im 2017 so wieter gah,

aber t Outo laamer den la stah!

Ufene gueta Flug iz neue Jahr,

mit viu spass das isch doch klar

© 2015 by Sand-Airbase

This site was designed with the
.com
website builder. Create your website today.
Start Now